72-nji “Älem gözeli” Nikaraguadan çykdy. Ol kim?
Şu ýylky 72-nji gezek geçýän “Älem gözeli” halkara gözellik bäsleşiginde Nikaraguadan 23 ýaşly Şeýnnis Alondra Palasios Korneho ýeňiji boldy. 2000-nji ýylyň 30-njy maýynda Managuada doglan Palasios Nikaraguadan bu titula eýe bolan ilkinji gözeldir. Ol öz dogduk şäherindäki merkezi amerikan uniwersitetde köpçülikleýin kommunikasiýa ugrundan ýokary bilim aldy. 180 sm. boýly Palasios boş wagtlary woleýbol oýnamagy gowy görýär.
Palasios 2016-njy ýylda “Nikaraguanyň ýetginjek gözeli” konkursynda ýeňiji bolýar we ondan soňra “Teen Universe” gatnaşyp, saýlama onluga düşýär. Soňra 2020-nji ýylda “Dünýä gözeli Nikaragua”- nyň ýeňijisi bolan Palasios, göni bir ýyldan “Dünýä gözeli ‒ 2021” gözellik bäsleşiginde saýlama 40 modeliň biri bolmagy başarýar.
Şu ýylyň awgustynda bolsa Palasios “Nikaraguanyň gözeli ‒ 2023” bäsleşiginiň ýeňijisi boldy. Hut şu ýeňiş hem oňa “Älem gözeli” halkara gözellik bäsleşigine öz ýurdunyň adyndan gatnaşmaga hukuk berdi.
