Anjelina Joli öz brendiniň ilkinji dükanyny açdy
Golliwud aktrisasy Anjelina Joli şu ýyl özüniň “Atelier Jolie” brendini açandygyny habara beripdi. Indi bolsa aktrisa öz brendiniň ilkinji söwda nokadyny açýar. Dükan amerikan hudožnigi, ýazyjy, dizaýner we prodýuser Endi Worhola degişli bolan Nýu-Ýorkdaky bir jaýda ýerleşer. Ol jaýda öň hudožnik Jan-MIşel Baskiýa hem ýaşapdyr we işläpdir.
Binanyň içki bezeginiň üstünde arhitektorlar Enriko Bonetti we Dominika Kozierski işledi. Olar 600 inedördül metrden gowrak meýdanyň durkuny täzelediler. Joli binanyň daşky görnüşini üýtgetmän goýmak kararyna geldi. Şonuň üçin onuň daş ýüzündäki köçe suratkeşleriniň çeken fasady taryhy gymmatlyk bolup galar. Dükan ak pol, kerpiç diwarlar we aksent elementler bilen minimalistik dizaýna eýe bolar.
Dükanyň esasy satuw bölegi birinji gatda ýerleşer. Bu ýerde brendiň häzirki toplumlaryndan harytlary, şeýle hem eşigini özi tikmek isleýänlere niýetlenen biçüwleriň toplumyny satyn alyp bolar. Dükanda bir kafe hem bolar. Ol ýerde dürli ýurtlaryň aşpezleri dürli medeniýetleriň däp bolan tagamlaryny hödürlärler. Ikinji gatda bolsa, öňürti adyňy belletmek kabul ediljek maslahat beriş studiýasy bolar.
