Ekologiýa hakda alada psihika üçin peýdaly
Howany zyýanly galyndylardan arassalamak häzirki wagtda dünýä möçberindäki çözülmeli wajyp meseleleriň biri bolup döredi. Aýtmaklaryna görä, ÝB 2035-nji ýyla çenli howany hapalaýjy maddalaryň möçberini peseldip biler. Eýsem, bu nähili ýagdaýda we nädip durmuşa geçiriler?!
Ýewropanyň daşky gurşaw gullugynyň howanyň hili boýunça hünärmeni Alberto Gonzales Ortis bu hakda şeýleräk pikiri öňe sürýär:
– Biz howanyň hapalanmagynyň esasy çeşmelerini azaltmak üçin, ilki bilen, tehnologiki usullary durmuşa geçirip bileris, Mysal üçin, ulaglaryň işleýşini gowulandyrmak. Şeýle-de gurluş çäreleri hem bar. Şulara görä, aňrybaş jemgyýetçilik ulag infrastrukturasyny döredip, şäheriň abadançylygy bilen ykjam meşgullanmak mümkin. Awtoulag ulanman, oňa derek welosiped sürmek ýada pyýada ýöremek ýaly, hiç kime minnetsiz, ýekebara ýerine ýetirip boljak hereketlerem bar.
Biz öz gullugymyzda hereket, azyk, energiýa üpjünçiligi ulgamlaryny üýtgetmek hakda kelle döwýäris. Ýollardaky ulag dyknyşygyny alyp göreliň. Eger biz awtomobilleri elktromobiller bilen çalyşsak, onda howadaky hapa zyňydylary azaldyp bileris. Emma ulag dyknyşygy barybir bolar. Ulagyň tüsseçykaryndan bolmasa-da, tormozyndan hapa zyňyndylar ýaýrap biler, tigirleriň asfalta degmegi töweregi ýakymsyz gohdan doldurar. Ýöne, ine, ulag ulgamyny üýtgetsek welin, biz has gowy we arassa ulaga eýe bolarys. Adamlar welosiped sürerler ýa-da ýörärler. Howadaky zyňyndylary azaldarys, fiziki işjeňligimiz artar. Ulag däl-de, adamlaryň özara täsirleşmegi bolsa gönüden-göni psihika üçin peýdalydyr.
