“Emirates” awiakompaniýasy uçar galyndylaryndan aksessuar toplumyny taýýarlady
“Emirates” awiakompaniýasy gaýtadan işlenen uçar galyndylaryndan taýýarlanan çemodan hem aksessuar toplumyny taýýarlady. Bu hakda awiakompaniýanyň web-saýtynda habar berilýär.
Toplumdan çemodanlary, rýukzaklary, sumkalary, kart üçin futlýarlary, kemerleri, hatda aýakgaplary-da tapmak mümkin. Bularyň ählisi “Emirates”-iň Dubaýdaky tikinçileri tarapyndan ýerine ýetirilen el işlerdir. Önümlere çig mal hökmünde uçardaky ýolagçy kreslolarynyň alýumin bölekleri, diwanlaryň deri örtgüleri, howpsuzlyk kemerleri we kapitanyň oturgyjyndaky sütük ulanyldy.
“Emirates” toplum taýýarlanmazdan öňürti materiallar bilen düýpli arassalaýyş we dezinfeksiýa işleriniň geçirilendigini belleýär. Toplum 2024-nji ýylda kompaniýanyň resmi söwda nokatlarynda satlyga çykarylar. Harytlardan toplanan pul bolsa “Emirates Airline Foundation” gaznasynyň üsti bilen haýyr-sahawat işlerine harç ediler.
