“Victoria's Secret” üçünji çärýekde 71 million dollar ýitgi çekdi
Meşhur “Victoria's Secret” brendi 2023-nji ýylyň üçünji çärýegi boýunça maliýe hasaplaryny jemledi. Netijede, kompaniýanyň ýitgileri 71 million dollara barabar boldy, girdeji bolsa 4% pese düşdi.
Şeýle-de bolsa, brend ýerine ýetiriji direktory Martin Wotersiň ýolbaşçylygynda geljege umyt bilen garaýar. Kompaniýanyň wekilleriniň pikiriçe, uly depgin bilen başlanan baýramçylyk möwsüminiň söwdasyndan köp zady tama etmek mümkin.
“Iň möhüm dynç alyş möwsümine geçendigimiz sebäpli biz satuwy gowulaşdyrmak tendensiýasyndan ruhlanýarys. Biziň harytlarymyzyň Demirgazyk Amerika boýunça satuw tendensiýasy edil meýilleşdirişimiz ýaly, üçünji çärýegiň her aýynda gowulaşmagyny dowam etdirdi, oktýabr aýy bolsa söwda boýunça iň güýçli aýymyz boldy. Toparlarymyz ähli ünslerini gözegçiligimizdäki zatlara gönükdirdiler we depgini has-da güýçlendirmek üçin irmän-ýadaman işlediler” – diýip, Martin Woters düşündirýär.
Ýöne “Victoria's Secret” dördünji çärýekdäki satuwlaryň 2%-den 4%-e çenli ýokarlanmagyna garaşsa-da, onuň doly ýyllyk satuwlary 2%-den 3%-e çenli peselýär.
