Ýetginjekler şampundan köpçülikleýin ýüz öwürýärler. Näme üçin?
«Ýetginjekler soňky döwür saglyga howply bolup biljekdigine garamazdan şampundan köpçülikleýin ýüz öwürýärler. Häzir olar muny «TikTok» ýaly sosial ulgamlarda trende öwrüp, ýoň etdiler» diýip, «New York Post» habar berýär.
Meşhur blogerler saçlaryny şampun bilen ýuwmakdan ýüz öwürendiklerini aňladýan wideolary köpçülik bilen yzygiderli paýlaşýarlar. Blogerleriň içinde has ähmiýetlileriň biri hasaplanylýan Kaýnoa Lam öz wideoýazgysynda şampun ulanmagy bes edenden soňra, gaýta saçynyň has gürelendigini aýdyp, hemmeleri geň galdyrdy. Şol bir wagtyň özünde, bloger Humza Islam şampun bilen saç üçin kondisionerden ýüz öwüren hem bolsa, saçyny her gün suw bilen arassalaýandygyny boýun aldy.
Şeýle-de bolsa, lukmanlar neşiriň okyjylaryna bu tendensiýa eýermegiň ýüze çykaryp biläýjek netijeleri barada duýduryş berdiler. Şolaryň hatarynda dermatolog Anastasiýa Terianu häzirki wagtda şampun ulanmazlygyň, soňlugy bilen kelle derisini bejerýän şampuny ulanmaga sebäp boljakdygyny belledi.
Lukman bu hakynda beren gürrüňinde: «Kelläňizi talabalaýyk arassalamasaňyz, mikrobioma ýa-da kelle derisinde ýaşaýan bakteriýalaryň we gurçuklaryň toplumy deňagramlylygy ýitirip, deride gyjyndyrma we gijilewük döreder. Munuň üstesine, saçyň ýaglanmagy we kirlemegi follikullary böwetläp, saçyň ösmegini togtadar» diýip, jikme-jik düşündirdi.
